FKA Suðurnes fagnar árs afmæli. Öflug deild innan FKA sem sannarlega hefur látið til sín taka.

Sögulegur stofnfundur nýrrar landsbyggðadeildar Félags kvenna í atvinnulífinu FKA, FKA Suðurnes var fyrir ári síðan þann 26. nóvember 2021. Til hamingju með daginn!

Tökum fortíðina á kassann og kortleggjum tækifærin á Suðurnesjum.

„Við þurfum að nýta okkur styrkleikann sem felast í fjölbreytileika samfélagsins á Suðurnesjum með að styðja konur í að sækja fram og sameina þær til aukins sýnileika og þátttöku. FKA Suðurnes mun leggja áherslu á nýsköpun og eflingu atvinnutækifæra kvenna á svæðinu með jákvæðni, seiglu og útsjónasemi. Með því að efla þátt kvenna í samfélaginu, eflum við okkur öll. Okkur vantar bjartsýni, gleði og aukna ásynd kvenna í samfélagið okkar. Konur ættu að vera áberandi í rekstri fyrirtækja, stjórnunarstöðum og í stjórnum fyrirtækja. Það mun vera okkur öllum til heilla,” sagði í tilkynningu fyrir fundinn. Samfélagið var að lifna við í takt við nýja Covid-tíma og tækifærin áttu ekki að fara framhjá konum á Suðurnesjum.

Fida Abu Libdeh og Guðný Birna Guðmundsdóttir á stofnfundinum 2021.

Mikil sóun á hugviti og manauði.

Fyrsti formaður FKA Suðurnes var Guðný Birna Guðmundsdóttir FKA kona, fyrsta konan til að verða stjórnarformaður HS Veitna, bæjarfulltrúi og stjórnarformaður HS Veitna. Var hún og Fida Abu Libdeh FKA kona, frumkvöðull og stofnaði nýsköpunarfyrirtækið Geosilica í forsvari fyrir stofnun deildarinnar og nutu stuðnings frá stjórn FKA og framkvæmdastjóra FKA, Andreu Róbertsdóttur. Geosilica framleiðir fæðubótaefni úr Kísil, fyrirtækið er metið uppá 700 milljónir og hefur hafið sölu sína á erlendum mörkuðum og Fida tók við sem formaður FKA Suðurnes á síðasta aðalfundi deildarinnar.

Stjórn FKA Suðurnes 2022-2023

Fida Abu Libdeh – formaður

Anna Karen Sigurjónsdóttir – gjaldkeri

Eydís Mary Jónsdóttir– fræðslustjóri 

Guðný Birna Guðmundsdóttir – skipulagsfulltrúi

Gunnhildur Pétursdóttir – ritari

Sigurbjörg Gunnarsdóttir – samskiptastjóri

Snjólaug Jakobsdóttir– fjáröflunarstjóri

Unnur Svava Sverrisdóttir– viðburðastjóri

Þuríður Halldóra Aradóttir – varaformaður

Fida Abu Libdeh fremst í flokki þegar stjórn FKA Suðurnes heimsóttu Alþingi í október 2022 í tilefni af því að 100 ár eru liðin frá því Ingibjörg H. Bjarnason var kjörin fyrst kvenna á þing.

Þuríður Halldóra Aradóttir sem nú er varaformaður.

Atvinnusköpun kvenna og var þeim Guðnýju Birnu og Fidu hugleikin og með nýrri deild FKA Suðurnes settu þær sér markmiðið að kortleggja þessi tækifæri á svæðinu.

Rúmlega áttatíu konur tóku þátt í sögulegum stofnfundi, mættu á stofnfund nýrrar landsbyggðadeildar Félags kvenna í atvinnulífinu FKA, FKA Suðurnes föstudaginn 26. nóvember 2021. Fundurinn var haldinn í bíósal Duus húsa og á netinu og voru tækifærin á Suðurnesjum rædd, farið yfir markmið og tækifærin með nýrri deild, orkumál, nýsköpun og tækifærin almennt.

,,Nýsköpun er mikilvæg sem aldrei fyrr fyrir heimsbyggðina sem þarf að finna leiðir til að vera í takt við nýja tíma. Þar verður að endurskoða og endurhugsa margt til að sóa ekki tækifærum eins og hugmyndum og innlögn í framtíðarplönin frá konum. Fyrir liggja sláandi staðreyndir um ólíka forgjöf er kemur að því að nýta sér jafnréttið í nýsköpun og víðar. Í þessu sambandi má nefna að kvennateymi fá örfá prósent af fjármagninu er kemur að fjármögnun í nýsköpun. Þessu verður að breyta því fjölbreytileikinn er mikilvæg stærð er kemur að því að skapa framtíð fyrir okkur öll. Mikil sóun er á hugviti og manauði þegar lítið brotabrot af fjármagni fer til teyma sem mynduð eru einungis af konum þ.e. helmingi mannkyns og þetta verður að leiðrétta og átta sig á mikilvægi blöndunnar, ólíkra radda og jafnvægis í stóru og smáu.”

Mikil gerjun er á Suðurnesjum og deildin hefur látið til sín taka. Svæðið hefur þurft að taka mikið á kassann síðustu misserin og FKA á svæðinu ekki látið sitt eftir liggja, ætla sér stóra hluti er kemur að því að taka utanum tækifærin á Suðurnesjunum áfram.

Tilgangur landsbyggðardeildar Suðurnesja er að sameina konur á svæðinu, í því skyni að auka þátt kvenna í störfum og stjórnum auk þess að leggja áherslu á nýsköpun og eflingu atvinnutækifæra.

Nærandi stund á stofnfundi.

„Mikilvægi tengslanetsins og fjölbreytileika,“ var yfirskrift erindi Elizu Reid félagskonu FKA, meðstofnanda Iceland Writers Retreat og forsetafrúar á stofnfundi FKA Suðurnes. Þar las hún einnig úr nýútkominni bók sinni ,,Sprakkar“  þar sem hún tók viðtöl við fjölda íslenskra kvenna meðal annars Fidu Abu Libdeh félagskonu FKA. „Okkar tími er kominn! // Upphaf, tilgangur og markmið FKA Suðurnes“ var yfirskrift erindis Guðnýjar Birnu Guðmundsdóttur félagskonu FKA, bæjarfulltrúa og stjórnarformaður HS Veitna. Fida Abu Libdeh félagskona FKA, stofnandi og eigandi GeoSilica var með erindið „Ólíkar raddir, frumkvöðlastarfsemi og tækifærin á Suðurnesjum“ og var farið yfir praktík á fundinum, léttar veitingar voru í boði og skemmtu konur sér í salnum sem fjölmenntu með staðfestingu á fersku, brakandi og neikvæðu hraðprófi vegna heimsfaraldurs Covid sem við erum að læra að lifa með og vonandi að skáka og máta.

Fundi var slitið með stuttu erindi, undir önnur mál, frá Sigríði Hrund Pétursdóttur formanni FKA og Auður Ösp Jónsdóttir stjórnarkona í Atvinnurekendadeild FKA, AFKA tók til máls og sagði frá ferð félagskvenna FKA af öllu landinu á Suðurnesin á nýju ári. Katrín Kristjana Hjartardóttir stjórnarkona FKA tók einnig til máls og voru tæknimál í höndum Rakelar Lindar Hauksd. Michelsen.

Tækifærin eru út og suður!

Hluti fyrstu stjórnar FKA Suðurnes ásamt Elizu reid – frá vinstri: Anna Karen Sigurjónsdóttir, Guðný Birna Guðmundsdóttir, Eliza Reid, Gunnhildur Pétursdóttir, Eydís Mary Jónsdóttir, Rakel Lind Hauksd. Michelsen og Fida Abu Libdeh.

Á myndina vantar stjórnarkonur FKA Suðurnes: Herborg Svana Hjelm, Íris Sigtryggsdóttir, Snjólaug Jakobsdóttir og Þuríður Halldóra Aradóttir.

MYNDASYRPA AF STOFNFUNDI.

#FKA #FKAkonur #Hreyfiafl #Sýnileiki #Tengslanet #FKASuðurnes Guðný Birna Guðmundsdóttir Fida Abu Libdeh #GeoSilicaIceland @Rakel Lind Hauksd. Michelsen @Gunnhildur Pétursdóttir @Anna Karen Sigurjónsdóttir @Eydís Mary Jónsdóttir @Sigríður Hrund Pétursdóttir @Andrea Róbertsdóttir @ Eliza Reid @Sigurbjörg Gunnarsdóttir @Unnur Svava Sverrisdóttir @Þuríður Halldóra Aradóttir