Hvaða konur ætlar þú að hvetja til að bjóða sig fram? Þrjú stjórnarsæti laus, auk formanns og tvö varasæti í stjórn. Aðalfundur FKA verður haldinn 19. maí nk.

Aðalfundur Félags kvenna í atvinnulífinu FKA verður haldinn miðvikudaginn 19. maí 2021 kl. 17.00. 

Þrjú stjórnarsæti laus, auk formanns FKA og tvö varasæti í stjórn. Kynnið ykkur málið fyrir aðalfund FKA. 

Ert þú næsti formaður FKA? Viltu gefa kost á þér í stjórn, leggja félaginu lið og hafa áhrif á starfið? Hvaða konur ætlar þú að hvetja til að bjóða sig fram? 

HVAÐ: Aðalfundur FKA árið 2021.
HVAR: Miðvikudaginn 19. maí 2021.
HVENÆR: kl. 17.00 

Fyrirkomulag verður kynnt nánar fyrir fundinn og unnið út frá nýjustu Covidspá hverju sinni.  

Fundafyrirkomulagið
Samkvæmt lögum FKA á að boða til aðalfundar fyrir lok júní og var það gert nýverið svo að konur geti tekið daginn frá en á sérstökum tímum sem þessum er ekki orðið ljóst með hvaða hætti fundurinn verður en það verður auglýst í takt við COVID-spá og reglur um sóttvarnir og fjöldatakmarkanir. Það er einlægur vilji stjórnar að þetta verði góður og gæfuríkur fundur.  

Dagskrá aðalfundar skal vera sem hér segir (7.gr. laga félagsins)
1. Kosning fundarstjóra og fundarritara.
2. Skýrsla stjórnar um starfsemi félagsins og rekstur þess á liðnu starfsári.
3. Ársreikningur félagsins fyrir liðið starfsár kynntur og borinn upp til samþykktar.
4. Skýrslur starfsnefnda.
5. Lagabreytingar ef einhverjar.
6. Kosning stjórnar.
7. Kosning skoðunarmanns reikninga og eins til vara.
8. Kosning í starfsnefndir á vegum félagsins.
9. Ákvörðun félagsgjalds.
10. Önnur mál.  

Formannskjör hjá FKA á næsta aðalfundi. 
Ert þú næsti formaður FKA?
Vilt þú gefa kost á þér í stjórn?
Hvaða konur ætlar þú að hvetja til að bjóða sig fram? 

Formannskjör fer fram á næsta aðalfundi FKA sem haldinn verður 19. maí 2021. Félagskonur sem hafa áhuga á að bjóða sig fram til formanns eru hvattar til þess að máta sig við hlutverkið, gildi FKA, markmið félagsins og rýna í hvað vel er gert og hvað nýr formaður gæti komið með að borðinu í takt við nýja tíma og gert framtíðina litríka og bjartari fyrir okkur öll. Formaður FKA og stjórnarkonur FKA eru boðnar og búnar til að deila reynslu með áhugasömum félagskonum og öllum velkomið að hafa samband til að máta sig við hlutverk formanns sem er bæði gefandi og mjög annasamt og krefjandi á köflum.   

Hvað verður kosið um? 
Stjórn FKA skal skipuð sjö konum og tveimur til vara og á aðalfundi 19. maí 2021 kjósum við okkur nýjan formann og í tvö stjórnarsæti. Tvær konur til viðbótar verða síðan varakonur þ.e. konur sem fá næstflest atkvæði á eftir þeim sem kosnar verða inn í stjórnina verða varakonur. 

Í 8. gr. félagsins „Stjórn félagsins, starfsnefndir og félagsdeildir“ segir: „Stjórnarkona getur að hámarki setið samfellt í stjórn félagsins í tvö kjörtímabil í senn. Sama regla gildir um formann félagsins sem getur lengst setið tvö kjörtímabil í senn í stjórn félagsins, hvort heldur sem stjórnarkona eða formaður.“  

Hulda Ragnheiður Árnadóttir hefur staðfest að hún gefi ekki kost á sér til áframhaldandi formennsku og því óskum við eftir framboðum til formanns FKA fyrir 2021-2023. 

Einnig hafa Áslaug Gunnlaugsdóttir og Ragnheiður Aradóttir lokið fjögurra ára stjórnarsetu í félaginu.  

Rakel Lind Hauksdóttir sem kjörin var 1. varakona til eins árs tók sæti Sigríðar Hrundar Pétursdóttur um síðustu áramót. Einnig var Sigríður Bylgja Sigurjónsdóttir kosin á síðasta aðalfundi í sæti 2. varakonu.  

Nú eru því laus þrjú stjórnarsæti, auk formanns FKA og tvö varasæti í stjórn.   

Stjórnarkonur sem verða áfram í stjórn eru:
Dr. Margrét Jónsdóttir Njarðvík, rektor Háskólans á Bifröst / stofnandi og eigandi Mundo. 
Unnur Elva Arnardóttir, forstöðumaður hjá Skeljungi. 
Vigdís Jóhannsdóttir, markaðsstjóri Stafræns Íslands og stjórnarformaður Hannesarholts.  

Nánar um starfsemi FKA HÉR  

Kær kveðja frá stjórn FKA!       


Klassísk hópmynd á starfsárinu sem er að líða. Hér má sjá sitjandi stjórn FKA (sjá mf. mynd), talið frá efstu röð vinstri: 
Vigdís Jóhannsdóttir, markaðsstjóri Stafræns Íslands og stjórnarformaður Hannesarholts. 
Formaður FKA: Hulda Ragnheiður Árnadóttir, framkvæmdastjóri Náttúruhamfaratryggingar Íslands. 
Ritari: Áslaug Gunnlaugsdóttir, lögmaður og eigandi hjá LOCAL lögmönnum. 
Gjaldkeri: Unnur Elva Arnardóttir, forstöðumaður hjá Skeljungi. 
Varaformaður: Ragnheiður Aradóttir, stofnandi og eigandi viðburðafyrirtækisins PROevents og þjálfunarfyrirtækisins PROcoaching. 
Dr. Margrét Jónsdóttir Njarðvík, rektor Háskólans á Bifröst / stofnandi og eigandi Mundo. 
Rakel Lind Hauksdóttir, fjármála- og fjáröflunarstjóri SOS barnaþorpin. 
Varastjórnarkona FKA 2020-2021Sigríður Bylgja Sigurjónsdóttir, framkvæmdastjóri og frumkvöðull Tré lífsins.     

Fjölbreytt starf FKA.
Stjórn FKA á Opnunarviðburði FKA 2020-2021 með Elizu Reid félagskonu FKA.