Mentorar í AWE-hraðlinum eru þær Fida, Sandra Mjöll og Hólmfríður. Umsóknarfrestur út 17. janúar nk.

Taktu þátt í AWE-nýsköpunarhraðlinum. 



Hægt er að skrá sig til þátttöku í hraðlinum á vef AWE.

Þar eru einnig frekari upplýsingar um fyrirkomulag hraðalsins og upptaka af kynningarfundi sem fram fór í lok síðasta árs.

Háskóli Íslands og Bandaríska sendiráðið á Íslandi leita nú að þátttakendum fyrir nýsköpunarhraðalinn Academy for Women Entrepreneurs (AWE) sem er sérstaklega ætlaður konum og fer fram í febrúar og mars. 

Bæði einstaklingar og lið geta tekið þátt í hraðlinum sér að kostnaðarlausu og frestur til að skila inn umsókn um þátttöku rennur út 17. janúar.  

Þetta er í annað sinn sem hraðalinn er haldinn en markmið hans er að styðja konur í að þróa áfram viðskiptahugmyndir sínar og fyrirtæki og auka hlut þeirra innan frumkvöðla- og nýsköpunargeirans.  

Nýsköpunarhraðallinn samanstendur af netnámskeiðinu Dreambuilder á vegum Thunderbird School of Management við Ríkisháskólann í Arizona og vinnulotum sem Háskóli Íslands heldur utan um. Þar njóta þátttakendur m.a. leiðsagnar reyndra kvenna í nýsköpun og frumkvöðlastarfsemi við uppbyggingu fyrirtækja, mynda ný tengsl og efla starfsþróun og starfshæfni. Lögð er rík áhersla á að konur alls staðar af landinu og með fjölbreyttan bakgrunn og uppruna taki þátt. Fyrirkomulag hraðalsins er því með þeim hætti að flestar vinnulotur eru í streymi. 

Verðlaun eru veitt fyrir bestu viðskiptahugmyndina bæði í einstaklings- og teymisflokki: 
1. sæti – 500.000 kr.  
2. sæti – 300.000 kr.   
3. sæti – 200.000 kr. 
  
Einnig eru veitt verðlaun fyrir ,,pitch” keppni að upphæð 200.000 kr.  

Í fyrra komust færri konur að en vildu og því hefur verið ákveðið að fjölga þátttakendum þannig að fulltrúar allt að 50 viðskiptahugmynda verða teknir inn að þessu sinni.   

Nánar um AWE-hraðalinn
Verkefnið er í boði í yfir 50 löndum víða um heim og er Ísland fyrst norrænu ríkjanna til að taka þátt í verkefninu. Að skipulagningu hraðalsins koma Félag kvenna í atvinnulífinu (FKA) og Samtök kvenna af erlendum uppruna (W.O.M.E.N). Tuttugu og fimm konur voru í hópi fyrstu þátttakenda í hraðlinum í fyrra og hafa í framhaldinu haslað sér völl bæði hér heima og erlendis með frekari þróun og fjármögnun viðskiptahugmynda sinna.    

Nánar ma. Facebook: https://www.facebook.com/AWEiceland 
Instagram: https://www.instagram.com/aweiceland/
Heimasíðan: https://awe.hi.is/  


UMSÓKN HÉR       


Svala Jónsdóttir, sem tók þátt í AWE-hraðlinum 2021 með Vistbók, segir frá ávinningi þess að taka þátt í AWE Nýsköpunarhraðli fyrir konur. Myndband HÉR

Svala Jónsdóttir var ma. í Bítinu og hlusta má HÉR     


Dómnefnd 2021: Helga Valfells, stofnandi og stjórnandi Crowberrly Capital, formaður, Magnús Þór Torfason, dósent við Viðskiptafræðideild Háskóla Íslands og námsbrautarstjóri meistaranámsins Nýsköpun og viðskiptarþróun í HÍ & Soffía Haraldsdóttir, eigandi First Class Travel in Iceland, og fulltrúi FKA.       
Mynd AWE Iceland Kristinn Ingvarsson // Lokahátíð AWE nýsköpunarhraðals 2021 // Bestu viðskiptahugmyndirnar: 1. sæti Svala Jónsdóttir, 2. sæti Aníta Þórunn Þráinsdóttir, 3. sæti Margrét Polly Hansen og besta lyfturæðan Jamie Lee //

Mynd efst // Mentorar í AWE-hraðlinum 2022: Fida Abu Libdeh, forstjóri og annar stofnenda GeoSilica, Sandra Mjöll Jónsdóttir Buch, framkvæmdastjóri Raunvísindastofnunar og Hólmfríður Sveinsdóttir, stofnandi og framkvæmdastjóri Mergs Ráðgjafar. 

Myndband HÉR

#AWEIceland #HáskóliÍslands #Félagkvennaíatvinnulífinu #NýsköpunarnefndFKA #FKA #FKAkonur #Hreyfiafl #Sýnileiki @Fida Abu Libdeh @Sandra Mjöll Jónsdóttir Buch @Holmfridur Sveinsdottir @Svala Jónsdóttir @Aníta Þórunn Þráinsdóttir @Margrét Polly Hansen @Jamie Lee @Helga Valfells #CrowberrlyCapital @Magnus Thor Torfason @Soffía Haralds @Huld Magnusdottir @Sigridur Bylgja Sigurjonsdottir #FirstClassTravelinIceland @Kristinn Ingvarsson @Kristín Ása Einarsdóttir #FKA #Félagkvennaíatvinnulífinu #WOMENInIceland #SamtökkvennaaferlendumupprunaáÍslandi #USEmbassyReykjavikIceland #HáskóliÍslands #nýsköpun #AWEIceland #FKASuðurnes #FKASuðurnes #MergurRáðgjöf Sigridur Hrund @Eliza Reid #Visttorg Jón Atli Benediktsson @Michelle Brown Yerkin