Vel heppnaður aðalfundur var haldinn á Hilton Nordica hotel þann 13. maí. Fjör og fræðsla í bland við hefðbundin aðalfundarstörf þar sem kosið var um þrjú stjórnarsæti ásamt formannskjöri. Bryndísi Emilsdóttur, Iðunni Jónsdóttur og Rúnu Magnúsdóttur voru þökkuð vel unnin störf í þágu félagsins.
FKA konur af Norðurlandi voru mættar á mölina til að taka þátt og fræðast um fyrirtæki félagskvenna í höfuðborginni. Var komið við í Sjávarklasanum að heimsækja félagskonur í nýsköpun og tóku Kolbrún Hrafnkels, Herberia og Eva Margrét hjá Roadmap meðal annars á móti þeim ásamt stelpunum í Feel Iceland (Amino Collagen). Eftir það var farið í Tulipop þar sem Signý Kolbeins og Helga Árna fóru yfir reksturinn, nýsköpunina og vörurnar og að endingu var sest niður að snæðingi og um leið hlýtt á Rannveigu Grétarsdóttur sem á og rekur Eldingu hvalaskoðun, en einnig veitingastaðinn MAR / MAR bar við höfnina.
Helstu fréttir af aðalfundinum voru svo eftirfarandi.
Stjórn FKA starfsárið 2015-2016 skipa:
Þórdís Lóa Þórhallsdóttir, Naskur ehf. – endurkjörinn formaður
Áshildur Bragadóttir, Markaðsstofa Kópavogs
Herdís Jónsdóttir, Happy Campers ehf.
Ingibjörg Guðmundsdóttir, framkvæmdastjóri Skemmtigarðsins ehf.
Kolbrún Víðisdóttir, Svartækni
Ólöf Guðmundsdóttir Salmon, Nýherji / VitaGolf
Rakel Sveinsdóttir, Spyr.is / ConfirmedNews ehf.
Hér má nálgast árskýrslu FKA 2014 – SMELLTU HÉR
Skoðunarmenn félagsins voru kjörnar:
Sigrún Guðmundsdóttir, BDO ehf.
Inga Jóna Óskarsdóttir Bókhald og kennsla ehf
Og að loknum aðalfundi flutti Halla Tómasdóttir erindið “Like A Girl”. Halla er stofnandi Sisters Capital og forsvarskona WE2015. Hún fjallaði um efnahagsleg, viðskiptaleg og samfélagsleg verðmæti kvenna og mikilvægi þess að konur taki þátt í verðmætasköpun og mótun samfélagsins á sínum eigin forsendum.
Kvennakór Garðabæjar söng okkur að lokum inn í sumarið yfir sumarlegum drykk.
