Skrifum okkur inní söguna á stofnfundi FKA Austurland 25. maí nk!

Kæra félagskona!

SKRIFUM OKKUR INN Í SÖGUNA Á STOFNFUNDI FKA AUSTURLAND!

Félagskonur af landinu öllu eru velkomnar!

Stofnfundur FKA Austurland verður haldinn fimmtudaginn 25. maí kl. 17:00. Allar félagskonur FKA eru velkomnar og hvattar til þátttöku á þessum einstaka viðburði.

Félagskonur af landinu öllu eru velkomnar – Skráið ykkur til leiks HÉR á viðburðadagatali FKA 

Markmið með stofnun FKA Austurland er að efla konur, stuðla að auknu samtali kvenna á milli, fjölga tækifærum kvenna í atvinnulífinu á Austurlandi ásamt því að tengjast öðrum félagskonum FKA óháð staðsetningu.

-Ekki láta þennan viðburð fram hjá ykkur fara, sama hvar þið eruð staddar. Verðum raun og raf!

Hvar: Vök Baths, Egilsstöðum og í gegnum Zoom-fjarfundarbúnað. Slóð á fundinn verður send á skráðar konur og sett inn á viðburðinn á FB.

Hvenær: 25. maí, 2023 klukkan 17:00-19:00

Skráning: HÉR á viðburðadagatali FKA  Zoom hlekkur fer þar inn og verður sendur á skráðar konur.

HVAR: VÖK Baths VÖK kort og uppl. HÉR

Nánari upplýsingar í tölvupósti fka@fka.is

Fyrirsvarsmenn félagsdeildar: (Ingunn) Heiða Ingimarsdóttir og Sigrún Jóhanna Þráinsdóttir.

Stjórn FKA fagnar frumkvæðinu og við hlökkum til að heyra í og fylgjast með uppbyggingu á landsbyggðadeildinni FKA Austurland. Stjórn hvetur allar félagkonur FKA að mæta á stofnfundinn raun eða raf!

Hlökkum til að sjá ykkur!  

//

Forsagan.

Skrifleg beiðni um stofnun félagsdeildarinnar barst skrifstofu FKA, var tekin fyrir á stjórnarfundi FKA og hefur beiðnin verið samþykkt.

– FKA styður kvenleiðtoga í að sækja fram og sameinar þær til aukins sýnileika og þátttöku.

– FKA er öflugt tengslanet kvenna úr öllum greinum atvinnulífsins.

– FKA er leiðandi hreyfiafl sem eflir fjölbreytileika atvinnulífsins.

Samkvæmt erindi til stjórnar eru upplýsingarnar eftirfarandi:

Austurland 19. apríl 2023.

Beiðni til Félags kvenna í atvinnulífinu, FKA um opnun Landsbyggðadeildar á Austurlandi.

Kæra stjórn FKA!

Á Austurlandi eru að minnsta kosti 28 konur sem hafa áhuga á því að stofna landshlutadeild á Austurlandi og því sendi ég eftirfarandi beiðni.


Markmið með FKA Austurland er að styrkja, efla konur og verkefni á Austurlandi, beina sjónum á allt það góða sem er í gangi og tækifærin sem þar er að finna.


Í dag eru fjórar landsbyggðadeildir innan FKA þ.e. FKA Norðurland, FKA Vesturland, FKA Suðurland og FKA Suðurnes og það gefur augaleið að tækifærin eru fjölmörg og spennandi. Hinir sameiginlegu hagsmunir kvenna innan deildarinnar væri fyrst og fremst landfræðilegir. Þar sem við búum fjarri höfuðborginni væri styrkur fólginn í því að gera deild um landshlutann þar sem konur geta tengst, sótt viðburði saman, lyft hvor annarri upp og sótt þekkingu hver til annarrar á einfaldan og skjótan máta. Þá myndi stofnun deildar leiða til þess að það væri ef til vill auðveldara fyrir konur að sækja viðburði annars staðar þar sem hluti félagsgjalda koma inn í deildina.


Það er mikil tilhlökkun að fá að móta stefnu um starfið fyrir Austan og hefjast handa á spennandi tímum. Láta rödd kvenna heyrast, virði þeirra ná í gegn, auka sýnileika kvenna á Austurlandi, vera sterkari saman og gera samfélagið betra með fjölbreytileika. Fjölmörg tækifæri eru til að virkja konur til frekari þátttöku á Austurlandi, taka pláss í samfélagsumræðunni um land allt, láta til sín taka í nýsköpun og stjórnunarstöðum, einnig fræðast saman, fræða hvora aðra, byggja upp tengslanet hafa gaman saman.


Heiti félagsdeildar: FKA Austurland.

Tilgangur félagsdeildar: Að tengja saman félagskonur FKA á svæðinu, efla tengslanet innan svæðisins og utan. Þá mun deildin halda bæði gildum og hlutverki FKA á lofti.

Fyrirsvarsmenn félagsdeildar: (Ingunn) Heiða Ingimarsdóttir og Aðalheiður Ósk Guðmundsdóttir.

Hvernig aðild nýrra félagskvenna að félagsdeild skuli háttað: Allar FKA konur á Austurlandi geta skráð sig í deildina.