„Látið ekkert stoppa ykkur, talið við fólkið sem eru ykkar fyrirmyndir,“ segir Olga Björt FKA-kona og ritstjóri.

Olga Björt Þórðardóttir útgefandi og ritstjóri bæjarblaðsins Hafnfirðingur er í nýjasta hlaðvarpi Óla Jóns sem má nálgast HÉR.

,,Hún er með BA gráðu í íslensku og MA í blaða- og fréttamennsku. Olga Björt segir frá því hvað varð til þess að hún valdi fjölmiðlun, eftir að hafa starfað víða á vinnumarkaði til að finna sína styrkleika og réttu fjalir. Hún kynntist fjölmiðlafræðum þegar hún kláraði „loksins“ stúdentspróf 32 ára í FB, eftir að hafa stefnt á guðfræði. Hún segir frá starfsumhverfi fjölmiðla í dag, hvernig rekstur bæjarblaðs gengur fyrir sig og hversu mikilvægt er að allir finni leiðina að skemmtilegasta starfi í heimi sem lætur okkur finnast við aldrei vera í vinnunni.”