FKA Norðurland

Hlutverk

Örfáar konur í atvinnurekstri á Akureyri höfðu gengið til liðs við FKA áður en Norðurlandsdeild var stofnuð en með stofnun hennar tók norðlenskum konum að fjölga innan vébanda FKA og nú tæplega fjörtíu konur skráðar í FKA á Norðurlandi.

FKA konur Norðanlands ekki síður en á landsvísu eru meðvitaðar um það afl sem þær sameinaðar búa yfir og hvers virði það er að virkja það til góðra verka. Mannauðurinn innan FKA er dýrmætur og saman getum við sótt fram á öllum sviðum samfélagsins til að búa okkur öllum betra umhverfi þar sem meiri jöfnuður og hagsæld ríkir.

Helstu verkefni

Eiginlegir stjórnarfundir eru fáir en tæknin þeim mun meira notuð enda stjórnarkonur dreifðar um svæðið og oft mun einfaldara að setjast við tölvu en að ná stjórnarkonum á sama stað. Óformlegir fundir eru haldnir þar sem hist er á kaffihúsi eða veitingastað á Akureyri. Allar konur eru hvattar til að mæta, hvar sem þær búa á Norðurlandi. Málefni sem þarfnast kynningar eða afgreiðslu eru tekin fyrir á þessum fundum en þeir eru ekki síður hugsaðir til að kynnast, ræða málin, efla samstöðu og fjölga möskvum í tengslanetinu okkar. Auk þess er stofnað til viðburða af og til yfir vetrartímann og er FKA Norðurland að leiða Landsbyggðarráðstefnu FKA 2022.

Ráðstefnan Eldhugar.

Ráðstefnan ber nafnið Eldhugar en fyrirlesarar verða konur um allt land sem hafa hugrekki og víðsýni að vopni og hafa náð að töfra fram spennandi nýsköpun og tækifæri. Almenningur er hvattur til að mæta í Háskólann á Akureyri 23. september kl. 15 eða nýta sér streymi ráðstefnunnar. Skráning fer fram HÉR

Nánar um ráðstefnuna HÉR

Auðvitað er misjafnt eftir aðstæðum og veðri hve margar mæta til samverustundanna í raunheimum en alltaf göngum við eilítið léttari í lund og ríkari frá öllum samfundum og samveran þéttir raðirnar.

Af og til yfir vetrarmánuðina bjóða einstök fyrirtæki í eigu – eða undir stjórn FKA kvenna afslátt á vöru eða þjónustu til félagskvenna. Hefur það mælst vel fyrir.