FKA Suðurland

Hlutverk 

FKA Suðurland er skipað ríflega 50 konum sem koma úr fjölbreyttum starfsgreinum á Suðurlandi og fer þeim ört fjölgandi. Mikil samstaða hefur ríkt innan deildarinnar til að virkja fleiri konur í FKA Suðurland, enda hefur starfið í FKA, gefið konum mikið og eflt samstöðu og einingu innan svæðisins. Það er mikil gróska í atvinnulífinu á Suðurlandi þar sem konur hafa gert sig gildandi í rekstri fjölmargra öflugra fyrirtækja, jafnt í ferðaþjónustu, verslun, handverki og hönnun, útgáfu og rekstri fjölbreyttra fyrirtækja. FKA Suðurland vill efla konur til ábyrgðar og þátttöku í atvinnulífinu með jákvæðri nálgun og gleði í fyrirrúmi. 

Helstu verkefni

Stjórnin kemur saman mánaðarlega frá hausti og fram á sumar og er mikið lýðræði innan stjórnarinnar. Yfirleitt tekur ein stjórnarkona ábyrgð á hverjum viðburði sem haldin er, en svo hjálpast konur að þegar á þarf að halda. Haldnir hafa verið fjölmargir áhugaverðir viðburðir, bæði í samvinnu við aðrar deildir FKA og viðburðir sem sprottnir eru úr eigin ranni. Heimsóknir í fyrirtæki kvenna er til helminga við fræðandi viðburði. Fyrirlesarar eru bæði aðfengnir eða úr hópi félagskvenna og þeir sem mæta á fræðsluviðburðina fá tækifæri til að kynna sig og segja frá áskorunum í eigin rekstri eða í sinni vinnu.

Stjórn

Formaður: Auður I Ottesen
Samskiptamiðill: Laufey Guðmundsdóttir
Ritari: Guðný Söring Sigurðardóttir
Gjaldkeri: Margrét Ingþórsdóttir
Guðrún Hrefna Guðmundsdóttir
Soffía Theadórsdóttir
Eydís Rós Eyglóardóttir
Herdís Friðriksdóttir