Jafnvægisvog FKA
Jafnvægisvog FKA er hreyfiaflsverkefni unnið í samstarfi með Creditinfo, Deloitte, dómsmálaráðuneyti, Pipar\TBWA, RÚV, Samtökum fyrirtækja í sjávarútvegi og Sjóvá.
Verkefnið hefur þann tilgang að auka á jafnvægi kynja í efsta lagi stjórnunar fyrirtækja, stofnana og sveitarfélaga á Íslandi.
Markmið Jafnvægisvogar FKA er að hlutföllin verði a.m.k. 40/60 í framkvæmdastjórn/efsta lagi stjórnunar.
Jöfnum hlut kvenna og karla í efsta lagi stjórnunar í íslensku atvinnulífi
Markmið
Að minnsta kosti 40/60 kynjaskipting í framkvæmdastjórn árið 2027
Staðan
Karlar eru 75% nýráðninga í æðstu stöður
Framtíðarsýn
Með sömu þróun næst markmiðið ekki fyrr en árið 2048
2048
Jafnrétti er ákvörðun
„Jafnvægisvogin er ekki einungis jafnréttisverkefni. Hún er stefnumótandi tækifæri fyrir íslenskt atvinnulíf. Þetta snýst ekki aðeins um réttlæti. Þetta snýst um gæði ákvarðana, ábyrga stjórnarhætti og samkeppnishæfni. Við vitum hvað þarf að gera. Spurningin er hvort við veljum að gera það.“
Erla Ósk Ásgeirsdóttir
Taktu þátt
Skrifað er undir viljayfirlýsingu sem lýsir yfir markvissri vinnu að 40/60 kynjahlutfalli í efsta lagi stjórnunar. Þetta verkefni er hvati til að aukins jafnvægis og sýnir meðvitaða stjórnendastefnu.
167
Fyrirtæki, allt frá litlum til stærstu fyrirtækja á landinu
22
Sveitafélög, um land allt vinna við innleiðingu
56
Opinberar stofnanir, um land allt vinna við innleiðingu
Hvað felst í þátttöku?
1
könnun
5
mínútur
5
svör
Kynjahlutfallið í framkvæmdastjórninni þarf ekki að vera jafnt til að taka þátt en sýna þarf vilja til að jafna hlutfallið á næstu árum.
Við sendum árlega stutta könnun til þátttakenda sem inniheldur nokkrar spurningar sem allar snúa að stöðu kynja innan fyrirtækisins.
Þetta er mikilvægt samfélagslegt verkefni. Þátttakendur geta sett merki Jafnvægisvogarinnar á heimasíðu sína og þannig sýnt fram á þátttöku og vilja sinn til að setja jafnrétti í forgang. Vinnustaðir sem setja jafnrétti í forgang eru eftirsóknarverðir fyrir framsækið fólk, því rannsóknir hafa sýnt að aukið jafnrétti eykur starfsánægju.
Þau fyrirtæki sem náð hafa markmiðum Jafnvægisvogarinnar fá sérstaka viðurkenningu þess efnis en viðurkenningar eru veittar á árlegri viðurkenningarhátíð verkefnisins í október.
Um Jafnvægisvog FKA
Verkefnið var formlega sett af stað í mars 2018 og var fyrsta ráðstefna Jafnvægisvogarinnar haldin það sama ár. Á næstu ráðstefnu, árið 2019, voru í fyrsta sinn veittar viðurkenningar til þeirra þátttakenda sem höfðu náð 40/60 hlutfalli í framkvæmdastjórn.
Síðan þá hefur það verið árlegur viðburður að halda viðurkenningarathöfn Jafnvægisvogarinnar og hefur fjöldi þátttakenda í verkefninu og fjöldi viðurkenningarhafa vaxið ár hvert.
Árið 2024 voru veittar viðurkenningar til 128 þátttakenda en í þeim hópi eru fyrirtæki, sveitarfélög og opinberir aðilar.
