Kæra félagskona.
Þá blásum við til leiks!
Starfsár FKA er formlega hafið og stjórn ásamt nefndum og starfsmanni hafa unnið að því undanfarið að búa til öflugt viðburðardagatal fyrir 2013-2014. Það verður kynnt á allra næstu dögum en nú er komið að fyrsta viðburði vetrarins.
Sigmundur Davíð Gunnlaugsson, forsætisráðherra, mun taka á móti félagskonum FKA í Ráðherrabústaðnum við Tjarnargötu kl. 16:30, fimmtudaginn 12. september.
Sú heimsókn ætti að gefa okkur kröftugan tón fyrir veturinn enda eitt af leiðarljósum ríkisstjórnarinnar að efla atvinnulífið með aukinni verðmætasköpun í þágu almannahags.
Í framhaldi af heimsókninni til Sigmundar er okkur boðið í heimsókn til félagskvennanna sem reka Mýrina og Mar við gömlu höfnina að Geirsgötu 9. Það er innangengt á milli þessara fyrirtækja þannig að við sláum tvær flugur í einu höggi og skoðum fallega hönnun og muni í Mýrinni yfir léttum drykk og þiggjum um leið veitingar á tilboðsverði á Mar. Það eru systurnar Sigga og Rannveig Sigurðardætur sem reka Mýrina og Marco Polo og Rannveig Grétars sem rekur Mar ásamt hvalaskoðunarfyrirtækinu Eldingu.
… því má eiginlega segja að þar liggi þrjár flugur í einu J og því hvetjum við félagskonur til að fjölmenna! Skráning er skilyrði á hvorn viðburð fyrir sig.
Og til upplýsinga þá er innheimta félagsgjalda komin í ferli og nafnspjöld félagskvenna verða send um leið og greiðsla hefur borist. Takið þó gömlu nafnspjöldin með þar til nýtt berst. Munið að uppfæra heimilisföng, netföng og annað í kerfinu okkar svo að þetta skili sér allt til ykkar.
Bestu kveðjur,
Stjórn FKA
