Dr. Ásta Dís Óladóttir, dósent í stjórnun og alþjóðaviðskiptum við Háskóla Íslands, er nýr formaður Jafnvægisvogarráðs og tekur við af Hildi Árnadóttur, ráðgjafa og stjórnarkonu, sem hefur verið formaður ráðsins frá 2019.
Undanfarin ár hefur Ásta Dís varið miklum tíma í rannsóknir, kynningar og viðburði á sviðum jafnra tækifæra kynjanna til stjórnunarstarfa og gefið út fjölda ritrýndra greina og bókakafla á innlendum og erlendum vettvangi. Þá hefur hún verið tíður viðmælandi í fjölmiðlum um konur í stjórnunarstöðum í íslensku atvinnulífi. Í tilkynningunni kemur jafnframt fram að Ásta Dís hefur lagt sérstaka áherslu á stöðu kvenna í sjávarútvegi og flutti meðal annars opnunarerindið á Sjávarútvegsráðstefnunni 2022. Þá hefur hún fengið viðurkenningu frá Sjávarklasanum og frá TM vegna rannsókna sinna og kennslu á sviðinu.
Jafnvægisvogin hefur verið starfrækt frá árinu 2018 og er unnin í samstarfi við forsætisráðuneytið, Sjóvá, Deloitte, Pipar/TBWA og Ríkisútvarpið.
Hreyfiaflsverkefnið Jafnvægisvog hefur verið í gangi síðustu fimm ár og unnið í samstarfi við forsætisráðuneytið, Sjóvá, Deloitte, Pipar TBWA og Ríkisútvarpið. Verkefnið hefur náð að festa sig í sessi og vakið athygli, beint sjónum að virði fjölbreytileika og jafnvægis í efsta lagi stjórnunar. Fjölmörg fyrirtæki, stofnanir og sveitarfélög hafa sett sér markmið um aukinn jöfnuði kynja í stjórnunarstöðum með undirritun á viljayfirlýsingu Jafnvægisvogar og rúmlega tvöhundruð aðilar hafa hlotið viðurkenningu eftir að hafa náð markmiði um að jafna hlutfall kynja í framkvæmdastjórn.
Úreltar aðferðir?
Dr. Ásta Dís Óladóttir hefur undanfarin ár framkvæmt rannsóknir, flutt erindi og gefið út fjölda ritrýndra greina og bókakafla um jöfn tækifæri kynjanna. Hún hefur meðal annars rannsakað ásamt sínu samstarfsfólki ráðningaferli forstjóra í skráðum félögum og gefið út greinar. „Erum við að beita úreltum aðferðum?“ var yfirskrift á erindi Ástu Dísar á ráðstefnu Jafnvægisvogar FKA 2022 „Jafnrétti er ákvörðun“ þar sem hún fjallaði um arftakastjórnun, áskoranir, tengslanet og ráðningavenjur sem geta talist útilokandi fyrir konur. Ráðstefnan fór fram í myndveri RÚV Efstaleiti og var streymt í beinni útsendingu á vefsíðu RÚV þann 12. október síðastliðinn. Þar kynnti Eliza Reid forsetafrú og félagskona sjötíu og sex aðila sem hlutu viðurkenningu Jafnvægisvogarinnar 2022 en það eru þeir þátttakendur sem hafa náð að jafna kynjahlutfall í efsta lagi stjórnunar (framkvæmdastjórn).
Erindi upptaka HÉR // Dr. Ásta Dís Óladóttir „Erum við að beita úreltum aðferðum?“
Árleg ráðstefna Jafnvægisvogar er orðin þekkt stærð í íslensku atvinnulífi, liður í að efla jafnréttisvitund á vinnumarkaði með umræðu jafnréttisáherslum. Jafnvægisvogin heldur úti mælaborði, er mælitæki sem hefur eftirlit með stöðu og þróun kynjajafnréttis í stjórnum og framkvæmdastjórnum íslenskra fyrirtækja. Staðan er 19-3 í Kauphöllinni, körlum í vil og kynjahalli í atvinnulífinu öllum kunn þrátt fyrir að Ísland skori hæst og er gjarnan leiðandi og framalega á alþjóðavísu þegar fjallað er um stöðuna í atvinnulífinu er kemur að jafnréttinu, menninguna sem skapar okkur og tækifærin. Það er Thelma Kristín Kvaran er verkefnastjóri Jafnvægisvogar FKA og áhugasömum er bent á heimasíðu FKA fyrir frekari upplýsingar um þátttöku, viðurkenningarhafa o.s.frv.
UPPTÖKUR
Slóð á Jafnvægisvog FKA 2022
Slóð á Jafnvægisvog FKA 2021
Slóð á Jafnvægisvog FKA 2020
Slóð á erindið „Þegar tölur vekja tilfinningar Jafnvægisvog FKA 2019“ er HÉR en önnur erindi það árið má nálgast á netinu.
Jafnvægisvog FKA HÉR
Frekari upplýsingar veitir: Thelma Kristín Kvaran verkefnastjóri Jafnvægisvogar FKA, jafnvaegisvogin@fka.is
#FKA #Tengslanet #Hreyfiafl #Sýnileiki #Pipar\TBWA #Jafnvægisvog #Sjóvá #Jafnvægisvogin #JafnvægisvogFKA @Þorsteinn Pétur Guðjónsson @Anna B. Sigurðardóttir #RÚV #Deloitte @Birgir Jónsson @Ásta Fjeldsted #Festi @dr. Ásta Dís Óladóttir #HÍ #HáskóliÍslands Bragi Valdimar Skúlason @Katrín Jakobsdóttir @Eliza Reid @Thelma Kristín Kvaran Mynd @Silla Páls
